बड़थ्वाल कुटुंब कु स्थापना दिवस धूमधाम से मनये ग्याई (कुटुंब व उत्तराखंडी प्रतिभाओं कू सम्मान भी करे ग्याई)

रविवार, 4 अगस्त कुण बड़थ्वाल कुटुंब न अपणू स्थापना दिवस गढ़वाल भवन, पंचकुइयां रोड, नई दिल्ली म हर्षोउल्लास से मनाई। पूर्व राज्यसभा सांसद श्री तरुण विजय अर उत्तराखंड क पूर्व मुख्यमंत्री श्री तीरथ सिंह रावत सहित अत्य गणमान्य विभूतियों न मुख्य समारोहsक शोभा बढ़ाई।

कार्यक्रम हेतु कार्यकारिणी व दिल्ली क टीम 8.00 बजी बटी काम पर लग गे छे। देहरादून बटी माधुरी बौ जी, हर्षवर्धन भाई जी व सतीश भाई जी त 8.00  बजी ही हाल म उपस्थित छयाई। बैनर, सजावट म सबी जुटीन, कुछ सदस्यों कि अर्द्धांगिनी भी दगड़ी म बड़थ्वाल कुटुंब क ये कौथिगsग् क हाल सज्जा म सम्मिलित रैन। अनिल बड़थ्वाल जी अर कमलेश जी पंजीकरण अर स्वागत क वास्ता 10 बजी तैयार छयाई। कई मेहमान 10.00 बजी पहुंची गे छयाई। 10.30 बजी सबी तैयारी पूरी ह्वे गे छे। हॉल प्रबंधन म प्रमोद भाई जी, पम्मी जी, योगिता जी जुट गेन। राजेन्द्र जी, पंकज जी व अजय जी मंच व्यवस्था म अर प्रसन्ना जीsन प्रोजेक्टर कि जिम्मेदारी संभाली। हमर सभी सम्मानित हूण वोल अतिथि भी 1030 बजी उपस्थित छयाई अर 11 बजी कार्यक्रम शुभारंभ हेतु प्रथम सत्र संचालक क रूप म पंकज न माइक संभाली। 

  

 

पैलू सत्र - बड़थ्वाल कुटुंब ( शुभारंभ, परिचय, मेधावी छात्र पुरस्कार, कुटुंब गौरव सम्मान अर व्यक्तव्य)
 
कार्यक्रम कु श्रीगणेश मंचासीन अतिथियोंsन  दीप प्रज्वलन करी जे क दगड़ आचार्य दिनेश जी क मंत्रोंचारण ब् ढोल दमाओ मश्कबाजा कि धुन बजनी छे। मंच पर संस्थापक महासचिव प्रतिबिम्ब बड़थ्वाल, उपाध्यक्ष श्री हरीश बड़थ्वाल, अध्यक्ष श्री राज कुमार बड़थ्वाल व कुटुंब का गौरव पद्मश्री डॉ. माधुरी बड़थ्वाल कु परिचय व स्वागत कुटुंब द्वारा ह्वे। कुटुंब क महासचिव प्रतिबिम्ब बड़थ्वाल न बड़थ्वाल कुटुंब की स्थापना कि सोच, विगत तीन वर्षों क कार्यकलापों, उद्देश्यों अर भावी योजनाओं कु उल्लेख गढ़वाली म करि। कुटुंब कु उद्देश्य म अपड़ लोगों म अंकित “सं गच्छध्वं सं वदध्‍वं सं” कु अभिप्राय भी बते। वू न बोलि कि भाषा हो, साहित्य हो या हमर संस्कृति –  कई संस्थाओं क दगड़ शामिल ह्वे कन हिस्सा बणिकन बड़थ्वाल कुटुंब उत्तराखण्ड क सारोकारों क प्रति भी अपड़ी जिम्मेदारी उठाणू च। 

स्मारिका कू विमोचन 

पिछल् सा कि तरां यीं बेर भी स्मारिका कु विमोचन कुटुंब द्वारा करे ग्याई। कुटुंबsक पूरी कार्यकारिणी, दिल्ली व देहरादून की पूरी टीम न मंच पर उपस्थित छे। स्मारिका म उपसभापति राज्यसभा माननीय हरिवंश जी, माननीय तरुण विजय जी, नगिरी लिपि परिषद, उत्तराखण्ड लोकभाषा साहित्य मंच, गढ़वाल हितैषिणी सभा, अध्यक्ष श्री राजकुमार जी कु शुभकामना संदेश छन। मेधावी छात्र विजेताओं, बड़थ्वाल कुटुंब गौरव सम्मान, उत्तराखण्ड सम्मान से सम्मानित व्यक्तित्वों कु परिचय च। जख कुटुंब द्वारा सबी स्थानों म पिछल साल क कार्यक्रमों कि फोटो छन उखी  कुटुंब क तीन व्यक्तित्वों की जानकारी भी च। श्री हरीश बड़थ्वाल, प्रो. प्रशांत बड़थ्वाल, सुश्री नमिता बड़थ्वाल, श्री हेमंत बड़थ्वाल, प्रतिबिम्ब बड़थ्वाल, श्री मनीष बड़थ्वाल व डॉ. नंदिता बड़थ्वाल क हिन्दी /अंग्रेजी /गढ़वाली /संस्कृत म लेख  छन त श्री मनमोहन बड़थ्वाल, श्री असीम बड़थ्वाल, सुश्री विनीता बड़थ्वाल, श्री प्रतिबिम्ब बड़थ्वाल व श्री देवंदर बड़थ्वाल कि कविता (हिन्दी /गढ़वाली /अंग्रेजी) भी छन। गांवों कि झलक अर परिचय च त 488 बंधुओ कु डाइरेक्टरी भी च। कुटुंब क कुछ बंधुओ क शुभकामना संदेश भी अर पिछल साल जु व्यक्तित्व दिवंगत ह्वे वूँ  ते श्रद्धांजलि भी च। पिछल साल कि स्थापना दिवस कि रिपोर्ट भी च अर रक्तदान शिविर कार्यक्रम कि रिपोर्ट/फोटो भी छन। स्मारिका क वास्ता संकलन व प्रारूप तैयार करि प्रतिबिम्ब बड़थ्वालsन अर सम्पादन कू बड़ू कारिज श्री हरीश बड़थ्वाल जीsन करि। चंदू प्रेस म या स्मारिका छपे। विमोचन क बाद श्री हरीश बड़थ्वाल जीsन स्मारिका पर अर ये कार्यक्रम पर अपड़ विचार रखिन।     

बाएं से दाएं - कमलेश,अनिल,देवेन्द्र,पंकज,हर्षवर्धन,सतीश प्रसाद,योगिता,पम्मी,प्रतिबिम्ब,राजकुमार,माधुरी,हरीश,प्रसन्ना,प्रमोद,अजय व राजेन्द्र

कार्यकारिणी अर टीम कू परिचय अर सब्यू ते विशेष प्रतीक उपहार भेंट दिए ग्याई।

बड़थ्वाल कुटुंब मेधावी छात्र प्रोत्साहन कार्यक्रम क अंतर्गत विजेताओं ते पुरस्कार 

कार्यक्रम कि अगली कड़ी म मेधावी छात्र प्रोत्साहन कार्यक्रम म ये साल उच्च प्राप्तांकों करण वोल 12वीं बोर्ड क पांच छात्रों दीपांशु बड़थ्वाल, आर्यन बड़थ्वाल, आयुष महेश बड़थ्वाल,स्वाति बड़थ्वाल व संध्या बड़थ्वाल अर 10वीं बोर्ड क  तीन छात्रों आदित्य बड़थ्वाल, देव बड़थ्वाल अर निश्चय बड़थ्वाल ते पुरस्कृत करे गे। सभी विजेताओं ते पुरस्कार राशि, मैडल, प्रमाणपत्र व पुष्प दिए गे।

स्थापना दिवस समारोह म वर्ष 2024 क बड़थ्वाल कुटुंब गौरव सम्मान पांच प्रतिभाओं – श्री मोहित बड़थ्वाल (बड़ेथ/भोपाल), सुश्री मीनाक्षी बड़थ्वाल आचार्य (बुडोली/जयपुर - भाई मनोज बड़थ्वाल जी न ले), सुश्री पम्मी बड़थ्वाल(पाली तल्ली/नोयडा), श्री दिनेश बड़थ्वाल ( फरसैंगाल/नोएडा) और सुश्री रश्मि बड़थ्वाल(बलोड़ी/मुंबई) ते विभिन्न क्षेत्रों म वूंक विशिष्ट योगदान स्वरूप दिए ग्याई। सभी सम्मानित बंधुओं न अपणु विचार भी रखिन। दिनेश बड़थ्वाल जी न आध्यात्मिक रूप से कुटुंब कु उद्देश्य व प्रयासों  की सराहना करि। मोहित बड़थ्वाल जी न द्वि कहानियू कु माध्यम से लूखों ते आपस म के ढंग से जुड़न अर वे कु महत्व समझै। बड़थ्वाल कुटुंब स्नेह सम्मान  - कुटुंब क दगड़ आपपर स्नेह, कुटुंबsक विस्तार व जुड़न क प्रयास म सबी से संपर्क करण  वोल श्री राजेन्द्र एम बड़थ्वाल जी (बेड़गाँव/मुंबई) ते दिए गे (सम्मान जम्मू बटी अयां बेड़गाँव क श्री बिमलेश बड़थ्वाल जीsन स्वीकारी)।

ये क बाद उपस्थित बंधुओं न हाल बटी ही ये कार्यक्रम पर अपड़ विचार रखीं। अर मंच बटी माधुरी जी कु ऊर्जावान उद्बोधन, गढ़वाली गीतो क दगड़ी ह्वे। भाषा ते सीखण, बुलण व बचाण कु संदेश भी दे।  मेजर राहुल बड़थ्वाल न भी मंच बटी कुटुंब क नौजवानों क वास्ता संदेश भी दे अर बच्चों ते फौज क परीक्षाओ क वास्ता अपड़ी निशुल्क सलाह दीण कि बात भी बोलि।  

 

आचार्य कृष्णानन्द नौटियाल जी अपर पुस्तक महाभारत मंडाण भी राजकुमार जी, हरीश जी अर प्रतिबिम्ब ते भेंट दे। यीं पुस्तक क लोकार्पण डॉ माधुरी बड़थ्वाल जीsन ही करि छयाई पैल, वू भी मंच पर उपस्थित छयाई।   वेबरि।  

सांसद मनोज तिवारी जी का लीगल एडवाइजर श्री महेश कुमार शर्मा जी (पूर्व ज्वाइंट डायरेक्टर सोसियल वेलफेयर, दिल्ली सरकार)भी ये अवसर पर उपस्थित छयाई वूँक स्वागत राजेन्द्र जी न करि। 

 

ये अवसर पर श्री तरुण विजय जी कु स्वागत भी करे गे। तरुण जी न कुटुंब की एकजुटता अर विरासती मूल्यों ते सवंर्धित करण कि मुक्तकंठ से सराहना करि। मानव जाति क विकास बल्कि अस्तित्व क वास्ता सुदृढ़ परिवार कि भूमिका ते  रेखांकित करद  तरुण विजय जी न बड़थ्वाल कुटुंब ते आदर्श बते। 

ये सत्र म अंतिम उद्बोधन अध्यक्ष श्री राजकुमार बड़थ्वाल जी कू छयाई। कुटुंब क सभी सम्मानित बंधुओ ते, मेधावी छात्र क विजेता बच्चों ते शुभकामना क दगड़ यू भी बते कि शिक्षा सामाजिक क्षेत्र म बड़थ्वाल कुटुंब कु प्रयास के रूप म,  कन  म अगनै बढ़णू च। राजकुमार बड़थ्वाल जीsन बतई कि जख सम्मान प्राप्त विभूतियों ते असाधारण योगदान की प्रशस्ति मिलदी उखी अन्य मनिषियों ते बेहतर प्रदर्शन करण कि प्रेरणा मिलद। कुटुंब कि गतिविधियों ते व्यापक अर समावेशी बणान कि दृष्टि से छात्रों कुण  कैरियर गाइडेंस सत्र अर रेडक्रास सोसाइटी क सहयोग से संपन्न रक्तदान शिविर कु जिक्र करि। राजकुमार जीsन उत्तराखण्ड कि मूल भूत समस्याओ/प्रश्नों ते उजागर करि अर वूंsक समाधान/उत्तर भी संक्षिप्त म मंच बटी दे। सबी अतिथियों अर बड़थ्वाल बंधुओं कु आभार प्रकट करि।

द्वि बजी सत्र समापन की घोषणा अर भोजन क वास्ता सब्यू ते न्यूते ग्याई। दाल ( घरया मिक्स दाल), भात अलू क गुटका, मिक्स सब्जी, झंगरयालू की खीर, सलाद अर भंगुला कि चटणी ( कमलेश बड़थ्वाल जी क तरफsन)  कू आनंद 200+ बंधुओ न आपसी मेल मिलाप, गपशप क दगड़ी ले।

भोजन करद - करद तैबरी माननीय श्री तीरथ सिंह रावत जी कू आणू भी ह्वे। ढ़ोल दमाऊ क दगड़ रावत जी ते गेट भितर बड़थ्वाल बंधु लेन।  हाल क गेट पर  रावत जी कू  स्वागत प्रतिबिम्ब बड़थ्वाल अर राजकुमार बड़थ्वाल जीsन करि। हॉल म तीरथ जी कि मुलाकात तरुण विजय जी, प्रतिबिम्ब बड़थ्वाल जी कि माता जी श्रीमती प्रभा बड़थ्वाल अर डॉ माधुरी बड़थ्वाल जी, कर्नल हीरामणि जी सहित कई बंधुओ क दगड़ी ह्वे।  

दूसर सत्र - सांस्कृतिक कार्यक्रम , उत्तराखण्ड सम्मान, काव्य गोष्ठी एवं अन्य सम्मान व पुरस्कार 

तीन बजी दूसरा सत्र को शुभारंभ योगिता बड़थ्वाल जी न मंच स माँगल टीम ते आमंत्रित करिकsन करी। देणा हुयेन खोली का गणेशा  माँगल गीत से ये सत्र की शुरुआत सुंदर प्रस्तुति से ह्वे। मंच पर उत्तराखण्ड सरकार क पूर्व मंत्री श्री नेगी जी व दिल्ली भाजपा क उत्तराखण्ड प्रकोष्ठ क श्री अर्जुन सिंह राणा जी  कु स्वागत करे ग्याई। तत्पश्चात आदरणीय श्री तीरथ सिंह रावत जी कू परिचय पंकज बड़थ्वाल न करे। तीरथ जी कू स्वागत पुष्प गुच्छ व अंगवस्त्र दे कन डॉ. माधुरी बड़थ्वाल, श्री राजकुमार बड़थ्वाल व प्रतिबिम्ब बड़थ्वाल जीsन करी। मंचासीन हूण  क बाद बड़थ्वाल कुटुंब द्वारा चयनित उत्तराखंडी बंधुओ कु सम्मान माननीय तीरथ सिंह रावत जीsन करि।    

उत्तराखंड सम्मान 2024 कि श्रेणी म साहित्य क वास्ता पीतांबर दत्त बड़थ्वाल साहित्य सम्मान से श्री भीष्म कुकरेती जी (प्रतिनिधि श्री हेम चंद्र कुकरेती व श्री खुशाल जखमोला)  ते तथा पं0 मुकुंद दैवज्ञ साहित्य सम्मान से डा0 दयाल सिंह जी ते सम्मानित करे ग्याई। उत्तराखंड विभूति सम्मान  सुश्री अंकिता ध्यानी (खेल) अंकिता क माता पिता (श्री महिमानंद ध्यानी व श्रीमती लक्ष्मी देवी जी न ले)  तथा श्री जगदीश बाबला जी (पर्यावरण प्रेमी) ते अर उत्तराखंड लोक संस्कृति सम्मान आचार्य कृष्णानंद नौटियाल जी ते दिए ग्याई।  प्रो. दयाल सिंह पँवार, श्री जगदीश बाबला, आचार्य नौटियाल व अंकिता माता पिता न अपड़ा अपड़ाकार्यों कु उल्लेख, बड़थ्वाल कुटुंब कि सोच कि सराहना अपड़ उद्बोधन म  अर  सम्मान क वास्ता बड़थ्वाल कुटुंब क धन्यवाद ज्ञापित करी।

जगदीश बाबला जी क समाज सेवा क 50 साल क उपलक्ष म एक पुस्तक  हरदिल - अजीज  जगदीश बाबला  ( हिमालय पर्यावरण सोसाइटी, देहरादून  द्वारा)  कू लोकार्पण भी  मंच से आदरणीय तीरथ जी, राजकुमार जी, माधुरी जी व प्रतिबिम्ब द्वारा ह्वे। 

मंच पर गढ़वाल हितैषिणी सभा क अध्यक्ष श्री अजय सिंह बिष्ट जी ते आमंत्रित करे ग्याई, वूँक स्वागत तीरथ जी राजकुमार जी,  डॉ माधुरी जी अर प्रतिबिम्ब जीsन करि।  वेक पश्चात तीरथ जी ते ये कार्यक्रम म शामिल हूण पर मोमेंटों दिए गे। 

सम्मान क उपरांत श्री तीरथ सिंह रावत न सब्यू ते संबोधित करि। सामुदायिक सद्भाव अर बंधुत्व पुख्ता करण कि दिशा म बड़थ्वाल कुटुंब कि पहल की सराहना अर विशेषताओं कु उल्लेख करि कि समाज ते प्रेरणा लीणा कुण आवाहन करि। तीरथ जी न राजुकमार जी क प्रशासनिक अनुभव से नेतृत्व व प्रतिबिम्ब बड़थ्वाल क व्यक्तित्व कि प्रशंसा करि। वूsन बोलि कि कुटुंब क ये कार्यक्रम म उपस्थित ह्वे कन वू गदगद अर भावुक भी छन।  बड़थ्वाल कुटुंब ते शुभकामना प्रेषित करिन।

 

ढ़ोल दमाऊ अर बच्चों (श्रेया बड़थ्वाल, आरध्या चौहान, श्रावणी, लक्षिता साक्षी, अपर्णा अर पहाड़ी ब्रदर्स ) कि लोक संगीत की मनभावन प्रस्तुतियों द्वारा समारोह कु कार्यक्रम म उपस्थित बंधु रंगमत रैन। यू प्रस्तुतियों क वास्ता सुश्री योगिता बड़थ्वाल जी कू विशेष आभार।   

येका बाद गढ़वाली काव्य पाठ म गढ़वाली भाषा क वरिष्ठ कविजन व साहित्यकार  श्री रमेश चंद्र घिल्डियाल, श्री जयपाल सिंह रावत, श्री जबर सिंह कैन्थुरा श्री जगमोहन सिंह जगमोरा (प्रथम गढ़वाली पजलकार), सुश्री अंजली भण्डारी व श्री दिनेश ध्यानी ( काव्यपाठ मंच संचालन) जी न श्रोताओं कु मन मोह ल्याई। प्रतिबिम्ब बड़थ्वाल जीsन भी अपड़ी कविता सुणे।  दिनेश जी न गढ़वाली कुमाउनी भाषा ते संविधाने कि आठवीं अनुसूची म सम्मिलित करण हेतु अपड़ विचार अर प्रयासों को जिक्र भी करि।

बड़थ्वाल कुटुंब द्वारा उत्तराखण्ड लोक-भाषा साहित्य मंच, दिल्ली  व गढ़वाल हितैषिणी सभा, नई दिल्ली ते बड़थ्वाल कुटुंब क कारिजों म  सहयोग क वास्ता सहयोग सम्मान भी दिये ग्याई। सभी मंचासीन प्रस्तुतियों क वास्ता सभी बच्चों ते प्रशस्ति पत्र अर उपहार चाकलेट भी दिए गीं। लकी ड्रा म 5 बंधुओ ते उपहार मिलिन।

कार्यक्रम म व्यवसायी श्री सतीश शर्मा जी भी उपस्थित छयाई वून कुटुंब क वास्ता ( राजकुमार जी व प्रतिबिम्ब जी ते ) खाटू श्याम कू प्रतीक चिन्ह भी भेंट करि। 

श्री सतीश शर्मा जी 

पिछला वर्ष स्व कर्नल राजेन्द्र बड़थ्वाल जी (सैंज तल्ला /कोटद्वार) क बड़थ्वाल कुटुंब गौरव सम्मान वूँ का पुत्र श्री महेंद्र बड़थ्वाल जी ते सौंपी 

स्थापना दिवस आयोजन करीब साढ़े छह घंटा चली ये कार्यक्रम कु शानदार संचालन श्री पंकज बड़थ्वाल अर योगिता बड़थ्वालsन  करि। कार्यक्रम क संयोजक श्री राजेन्द्र बड़थ्वाल, श्री अनिल बड़थ्वाल, सुश्री पम्मी बड़थ्वाल व सुश्री योगिता बड़थ्वाल क मेहनत कु रंग हम सब्यू न देखि। 

अंत म बड़थ्वाल कुटुंब बटी श्री प्रमोद बड़थ्वाल जीsन कार्यक्रम क सफल आयोजन क वास्ता कुटुंब क कार्यकर्ताओं, संयोजकों, प्रस्तुतिकर्ताओं, विज्ञापन सहयोग द्वारा आर्थिक सहयोग करण वोल कंपनियूं ( डीपीएम ई, रिलाइबेल लॉ इंस्टिट्यूट, गितिका जैन डिजाइनर, एटलस वेयिइंग ईक्विपमेंट्स, डेलट्रॉन  इलक्टरोनिक्स ) कु अर भागीदारों द्वारा आर्थिक अर उपस्थिति सहयोग कु धन्यवाद करि अर कार्यक्रम समापन की घोषणा करि।

दिल्ली टीम का हार्दिक आभार - श्री कमलेश बड़थ्वाल, श्री देवेन्द्र बड़थ्वाल, श्री प्रतिबिम्ब बड़थ्वाल, सुश्री योगिता बड़थ्वाल, सुश्री पम्मी बड़थ्वाल, श्री अनिल बड़थ्वाल,
श्री राजकुमार बड़थ्वाल, श्री हरीश बड़थ्वाल, श्री राजेन्द्र बड़थ्वाल, श्री प्रसन्ना बड़थ्वाल, श्री प्रमोद बड़थ्वाल, श्री पंकज बड़थ्वाल एवं श्री अजय बड़थ्वाल

कई यूट्यूबर नानी अकेली, पहाड़ी व्लोग बृजेश भण्डारी अर कुछ अखबार प्रिन्ट मीडिया  व  ANI न्यूज चैनल भी उपस्थित छयाई लाइव, वीडियो व कवरेज क वास्ता। यू अद्भुत आयोजन दिल्ली, देहरादून क अखबारों म खबर बणी। फोटोग्राफर श्री  द्वारा कार्यक्रम की झलकियों को कैद किया गया। 

अंत म ढ़ोल दमाओ कि थाप पर उपस्थित बंधु खूब नचिन। चाय व स्नेक्स क बाद सबी बड़थ्वाल बंधु बड़थ्वाल कुटुंब स्थापना दिवस कि मधुर याद ले कन अगिल साल फिर फिर मिलण कि आस म अपड़ अपड़ स्थान म लौटि गेन।   

कार्यक्रम क पूरी विडीयोज आप बड़थ्वाल कुटुंब का यूट्यूब चैनल पर देख सकदिन।  विडीयोज ते पसंद/टिप्पणी 

https://www.youtube.com/@BarthwalKutumb चैनल ते पसंद अर सब्सक्राइव भी का लेन  आप लोग 

प्रतिबिम्ब बड़थ्वाल 

महा सचिव, बड़थ्वाल कुटुंब 

आपका सहयोग - आपके विचारो और राय के माध्यम से मिलता रहेगा येसी आशा है और मुझे मार्गदर्शन भी मिलता रहेगा सभी अनुभवी लेखको के द्वारा. इसी इच्छा के साथ - प्रतिबिम्ब बड़थ्वाल